פראגע: וואס איז דער ציל פון דעם פארום??

וואס איז דער ציל פון דעם פארום?
דהיינו איך ווייל מסביר זיין וואס איך מיין צו פרעגן.

קודם א קורצע הקדמה'לע:
ווי באקאנט זענען פארהאן אויף הייד פארק פארשידנארטיגע פארומ'ס (פארשטייט זיך איך רעד פון די אידישע היימישע פארומ'ס). ס'איז דא פארומ'ס וועלכע זענען געשטעלט בלויז מיט'ן ציל אויף צו דערציילן סתם "נייעס פון די אידישע וועלט", ס'דא וואס זענען געשטעלט געווארן מיט'ן ציל אויף "היימישע שמועסן" און צומאל אויך נייעס'לעך אדער וויכוחים'לעך פון דא און דארט, ס'דא וואס זענען לכתחלה געמאכט געווארן פאר וויכוחים פון היימישע פוליטיק און פארשטייט זיך אז ס'פאלט אמאל אריין דארט אויך אנדערע סארט'ן וויכוחים אדער סתם אינטערסאנטע נייעס א.ד.ג., (אויך זענען דא פארומ'ס וועלכע זענען געצילט ספעציעל אויף נייעס וויכוחים פון ספעציעלע געגנטער).

פון אזויפיל גולשים פארשטייט זיך פלאצירט זיך יעדער אין זיין פארום וואס געפעלט אים דאס מערסטע, ווי ער האלט אז דארט וועט ער זיך קענען אויסגעבן אויסשמועסן אדער סתם פארברענגען. איינער גלייכט מער נייעס'לעך איינער גלייכט מער וויכוחים און מערסטנסטייל גלייכן די היימישע פוליטיק'ס און וויכוחים'לעך (וועלכע האבן נאך ביזדערווייל קיינעם'ס מיינונג נישט געביטן).

אצינד איז מיין פראגע צו אייך גולשים פון דעם פארום:
וואס איז אייער ציל?
מילא איר ווילט זיך אביסל אינטערהאלטן דאס פארשטיי איך, אבער איך קוק מיך אזוי אום דא אויף די אשכולות און איך טריי צו כאפן וואס איר צילט דא און איך קען נישט ארויסקריכן.
זענט איר סתם בעלי דמיונות? וואס דארף? וואס קרעטשמע? וואס גראף? וואס ראש הקהל? וואס קהל? וואס אפיס?
למשל א טאג בוך וואס איינער פון אייערע גולשים שרייבט דאס פארשטיי און דאס איז גוט (BTW וויל איך אים גראטולירן דא ווייל ער האט מיך אויך מהנה געווען), מ'גיבט זיך אויס און דער עולם האט געוואלדיג הנאה, אדער למשל דאס זעלביגע מיט אזעלעכע שמועסן ווי דער אשכול פון "אמעריקאנע פרעזידענטן", עס איז היימיש געשמועסט און מ'ווערט געוואויר אסאך נייע זאכן. איך וועל אפי' גיין א טריט ווייטער, אפי' די סארט אשכולות פון די קינדערישע זכרונות אדער ווערטלעך פון די אלטע אידן, וואס זענען אויך אביסל צו נעריש פאר ערוואקסענע מענטשן, אבער כ'קען פארשטיין דער תועלת דערפון, מענטשן געבן זיך אויס און די ליינער האבן הנאה, אבער רוב פון אייערע אשכולות זענען דאך בלויזע הוילע שטותים ודמיונות...
(פארשטיי זיך איך רעד אפי' נישט פון די מעלה פון די סדרה אשכול, אדער ווי איינער פרעגט וועלכע מסכת צו לערנען, צו איינער זיכט א מקור אויף שרייבן זיינע קינדער'ס נעמען אין א ספר. דאס איז דאך זיכער א דבר טוב און א גיטער ציל).

וואס איז דער ציל פון אייער פארום?
אז איר ווילט זיך מהנה זיין, אז איר ווילט מהנה זיין אנדערע, מאכט עפעס צו דער זאך. קומט אויף מיט עפעס זאכליכע זאכן, נישט מיט קיין דמיונות.

עס קען זיין איך בין נישט גערעכט, איך פרעג נאר. און אויב קענט איר מיר דאס מסביר זיין וועט איר האבן מהנה געווען נאך א איד... דאס איז דאך אייער ציל.

טאקע דאס איז די ציל פון די פורום - צי קענען פרעגען אזא קשיא... נא רבותי הייבט אייך אן צי טענה'ן - מאכטס א שקלא וטריא - אין זאל זיין דא לעבעדיג..

דרך אגב - באלד קומט א אשכול "וואס איז די ציל פון די אשכול??"[בילד – נישט אפגעהיט]

א נייע ניק ספעציעל אראפגעקומען פון יענע וועלט צו עפנען די אשכול...

זאג נאר ווער באהאלט זיך אונסער דיין ניק, הא.

לכבוד רבי סערוויס03;

קודם כל: שלום עליכם!!!

בנוגע דיין שאלה: העי! איך וויל שוין לאנג פרעגן די שאלה... האסט מיר אויסגעכאפט!!!

ערנסט גערעדט: דער פארום איז צוזאמגעשטעלט פון פיינע יונגעלייט (פארשטייט זיך: אויסער מיר), ערנסטע מענטשן, ארבעטער וואס פלאגן זיך אויף פרנסה מערערע שעות אין טאג, און ווילן זיך אביסל אויסלופטערן פון די שווערע הארעוואניע, קומען זיי אריין דא אין קרעטשמע עטליכע מאל א טאג, איינער מער און איינער ווייניגער, און מען האלט זיך אונטער אביסל מיט די חברים דא.

דאס קען אפשר זיין די סיבה פארוואס דאס רופט זיך "די קרעטשמע", ווייל פונקט ווי א קרעטשמע שטייט אינמיטן אדער ביים עק דארף, און יעדער פארבייגייער קומט אריין און דערכאפט זיך דאס הארץ מיט א קאלט גלעזל ביר אדער שנאפס, און מען פארגעסט פון אלע דאגות און צרות ווען מען שמועסט אביסל ארום מיט די פארזאמעלטע חברה דארט, אזוי איז אויך אונזער קרעטשמע, ווי אן אינזל אינמיטן א ברויזנדן ים...

טאקע צוליב דעם צוועק האבן מיר געדינגען (...) עטליכע מעכטיגע שרייבער, אנגעהויבן פון נאטורליך, וועמען דו האסט דערמאנט אין דיינע רייד, וואס מיט זיינע הערליכע באשרייבונגען לעבט ער אויף דעם פארום, אזש עס רודערט אפ בכל קצוי תבל כידוע (ליין אינעם אשכול "קאמענטארן פאר נאטורליך" וועסטו זעהן ווי ווייטגרייכענד זיינע ארטיקלן זענען, זיי ווערן געליינט אין אלע סארט פלעצער, דורך אלע שיכטן און קרייזן, און מענטשן ווערן אויסגעלייזט [לכל הפחות אויף אפאר מינוט] פון זייערע דאגות און טירדות, און געבן א שמייכל וואס מאכט זיי שפירן בעסער און מונטערער).

און כדי צוצושטעלן סערוויס אויף פאר די תלמידי חכמים צווישן אונז, און אריינצוברענגן א תורה'דיגן גייסט אין די קרעטשמע, האבן מיר אויפגענומען א שטאב פון תלמידי חכמים, אנגעהויבן פון ר' זרח פעפער און געענדיגט ביי שיינהייט (וועלכער האט אינגאנצן אנגעהויבן שרייבן דברי תורה די וואך, און שוין באוויזן אויפצוהייבן די קול תורה דא צענפאכיג), וואס בארייכערן אונזערע ידיעות מיט שיינע אינטערסאנטע תורה'דיגע שמועסן וואס זענען אקטועל יעדן מינוט פון לעבן, בפרט ווען עס איז אויף די וואכעדיגע סדרה. (ס'זאל נישט אויסגערעדט זיין: מיר האבן שוין צוריקגעהערט גריסן פון "מגידי שיעורים" וואס נעמען סחורה פון דא... מיר זענען נישט ברוגז ח"ו, אדרבה ואדרבה).

אבער א קרעטשמע ברויך דאך אויך דינען אלס אינפארמאציע צענטער פון דארף... צוליב דעם פארמאגן מיר עטליכע איינגעשטעלטע וואס ברענגן כסדר נייעס, אידישע און (להבדיל) וועלטליכע. נייעס וואס קענען פאראינטערסירן אונזערע ברידער, אדער וואס קענען מצליח זיין ארויפצוברענגן א שמייכל אויף זייערע לעפצן.

יעצט איז אזוי: איר האט אויסגערעכנט נעמען פון אנדערע פורומים אויף היידפארק. מיר וועלן אבער נישט אריינגיין בפרטיות און אויסרעכענען די מעלות און חסרונות פון יעדע איינע, מיר וועלן נאר פרובירן ארויסברענגן די מעלות פון אונזער פורום, ומכלל הן אתה שומע לאו.

אונזער פורום איז געשטעלט אויף אהבה, אחוה, שלום, וריעות, ביי אונז וועט איר נישט טרעפן קיין קריגערייען, מחלוקת, שנאת חנם, לשון הרע, רכילות, הלבנת פנים, רציחה, פון וואס עס איז ליידער דא בשפע ביי אנדערע פורומים.

לדוגמא: דעם היינטיגן טאג האט זיך אפגעטאן א שרעקליכע עוולה אין איינע פון די אנדערע פורומים, מען האט פראסט און פשוט אראפגעשלעפט מאסקעס און אויפגעדעקט נעמען פון שרייבער! דאס האט אנגעהאלטן א לענגערע צייט אזוי, און אפילו ווען די מנהלים האבן גענומען די זאך אין די האנט און אראפגענומען יענעם אשכול, האבן זיי זיך אבער באגענוגענט מיט א ווארענונג, און... מארגן וועלן זיי געבן נאך א ווארענונג און נאך א ווארענונג!

עס קען זיין אז ווען אונזער פורום וועט זיין אזוי גרויס און פארצווייגט ווי זיי, וועלן מיר אויך נישט קענען האלטן חשבון אויף יעדע תגובה. אבער איך מיין אז עס ווענדט זיך אויך אין די ענווייראמענט און אין די אטמאספערע וואס הערשט אין די לופט. און דאס איז דער יסוד פון אונזער פורום: געבן א געשמאק ווינקל פאר היימישע אידן וואו זיך אויסצולופטערן.

וועט איר ווייטער פרעגן: אויף דעם צוועק איז דאך דא אויך די אנדערע פורומים וואס דערציילן נייעסן און שמועסן, אדער וואו מען רעדט זיך דורך פארשידענע עצות וכדומה?

ידידי: פורומים וואס זענען געווידמעט נאר אויף עצות אדער היימישע נייעס, גייען אונטער, פריער אדער שפעטער. דאס איז מעשים בכל יום, והמפורסם אין צריך ראיה. מען ברויך צושטעלן סערוויס פארן עולם טאג טעגליך, מען ברויך מאכן זאכען אינטערסאנט און צוציענד, כדי דער עולם זאל וועלן פארבלייבן און נישט אוועקלויפן.

צוליב דעם מאכט זיך אמאל וואס מיר רופן אריין ר' חיים חייקל'ן פון דארף און מיר בעטן אים צו געבן א שטיקל רעדע פאר די אנשי הקרעטשמע, און דאס רעגט אביסל אויף דעם גראף, וועלכער זעהט אין אים א שטיקל קאמפעטישן (פרעג מיר פארוואס). הייבט דער גראף אן צו מאכן גזירות, און מען שיקט דעם ראש הקהל רבי יענטאאש צום גובערנאטאר ער זאל פועל'ן א ישועה...

נאריש? קינדיש? אפשר!

באדערט דאס איינעם? איז מען מצער דערמיט א איד? קיינעם!

==

באמת וואלט איך געברויכט איבערליינען וואס איך האב דא געשריבן, ווייל איך האב אבי געשאסן אותיות אין די וועלט אריין, און ס'קען זיין אז עס קלעבט ווי חרוסת צו די נוי סוכה, און ווי די פיטום צום דריידל.. אבער איך האב נישט געקענט לאזן דעם אשכול שטיין ליידיג אן מיין ענטפער... (כאילו איינעם אינטערסירט וואס איך האב צו זאגען).

אדרבה, לאמיר זעהן וואס מיינע חברים דא וועלן דיר ענטפערן. גלייב מיר: זיי טויגן בעסער פון מיר!!!

קרעמער

האלט דיך נישט קלענער ווי די ביסט האסט זייער פיין געשריבן

ר' קרעמער, ערשט קלאסיג. ווי אייביג טוסטו אינז נישט אנטוישען מיד דיינע דפח"ח.
ווען די אליין זאלסט שרייבען יעדען טאג וואלט זיך שוין געלוינט ארין קומען אין קרעטשמע.
ובפרט אז מיר האבען די חשובע ראשי קהלה מיט דיינים, מחוטב עמיך ועד שואב מימיך (מיין איך טאקע ר' חיים חיקל) און די אלע אנדערע טייערע אידען. על אחת כמה וכמה אז עס איז א פארגעניגען צו פארברענגען און א היימיש קרעטשמע אן לשון הרע והלבנת פנים.

און צו דעם שואל סערוויס03:
אונזער פארום איז מחייב אנדערע. אז מיר קענען עס דורך פירען פארוואס זאל מען עס נישט נאכמאכען? ווי קען א איד זיך גיט פילען אפשרייבענדיג א זאפטיג לשון הרע וואס דער חילול השם איז איום ונורא? איז דא א תירוץ דערויף? דאס הארץ רייסט צו זעהן וויפיל שנאה עס הערשט? פארוואס זיך נישט אביסעל איינהאלטען?
מיינסטו אז איך האב נישט אין בויך געוויסע תערומות אויף אנדערע וואס זענען נישט מיט מיר בדיעה אחד?
איך בין דיר מגלה א שטיקעל סוד. געניג מאל וואלט איך געוואלט אפשרייבען א לענגס און א ברייטס אין אריין שמייעסען דעם און יענעם אין די זיבעטע ריפ.
איך וויל אויף מיר נישט נעמען דאס אחריות פון זיך באדען אין א צוויטען'ס איד בליט.
לכן לאמיר אלע זאגען א ישר כח פאר אונזער באליבטען קרעטשמער וכת דילי'. יהי ה' עמכם

נ.ב.
צו ר' קרעטשמע, איך האב נאך נישט באקומען מיין טשעק די וואך

נאטורליך
אפשר האבן זיי גראד געגעבן די טשעק פאר התאחדות

קרעמער[בילד – נישט אפגעהיט]

אין קאנטראקט שטייט, עס דארף ווערען געווייערט צו מיין באנק אקאונט וועכינטלעך.

נאטורליך;

גלייב מיר אויף מיין עהרן ווארט:ווי נאר איך באקום מיין ערשטן פעי טשעק, געב איך דיר בלי נדר אראפ האלב!

נאטורליך הגם סיקומט נישט אריין אין דעם אשכול, אבער קאן מאצע העבאל כאוו מאקעם ליקוואס עס כאווא.

סיז געווען א מיטינג ביי די באהערדע פון די קרעטשמע, (פרעג בעסער נישט פון וואו איך ווייס פון די גאנצע מאסע) צו מ'זאל דיר שיקן דעם טשעק די וואך צו.... נישט, אבער סיז איינשטימיג אפגעמאכט געווארן, כאס וועשאלעם נישט שיקן, מאכמעס קאמע טאמעם קימפארעט לעהאלען:

אַדִּין) ס'טייטשט יענע וואך האבן מיר ביחלאל נישט ערהאלטן קיינע ערצעהלונגען, מיר האבן געזוכט און גענישטערט מיט שעווא בעדיכּאס, און פישפעש בעלא מאצע, נישטא ביי די פאטשט-פאסט און נישט ביי יאנושען און ווי אויך נישט ביי קרעמער'ן, וואס לפעמים קומט דאס אהן אין זיין נייעם באקסל וואס הייסט בלעכבערי.

דְוואַ) איינע פון אונזער שפיאנען האבן זיך אמאל אונטערגעהערט ביי איינע פון די טישלאך, וואו מ'האט איבערגעשמועס די פינאנציעלע פראבלעמן, פון אונזער בארימטן הויכגעשעצטן קייסער מר בוש ירום הודו, האט מען געהערט נישט מער און נישט ווייניגער אז איר זענט געבענטשט מיט פיל געלט אזוי ווי מיסט, צען טויזענט דולר איז ביי דיר וואו גארנישט אוועקצוגעבן, ממילא קודם וועט מען אפהאלטן די געלטער, קודם וועט מען איבעראבזערווירן אייערע מסים און שטייער, לויט וואו דאס איז פארשריבן אין די פנקס פון אונזער דארף, נאך דעם פרעצאדור, און איר וועט ווייטער אריינשיקן די מעמארים קאראגיל, דאן וועט מען נאך אמאל מאכן א זיצונג, און מ'וועט זעהן אויף ווייטער...

דְּרי) דאס איז שוין געוועזען טאמעם קעמיסים, וואס יעדערער פון די אנוועזנדע האבן געהאלטן אין בויך, און נישט געוואלט פארציילן, נאר האבן אלע וואו אין א כאר אויסגערופן, בזה"ל "יאא! איך האלט אויך אזוי", אוי איז דאס געווען אינטערסאנט מיט צו האלטן.

שא פארצייל פאר קיינעם נישט איך בין א גאנצן צייט געשטאנען אונטערן פענסטער, זאג אויך קיינעם נישט אז יאנוש איז דער וואס איז מיר געקומען פארציילן אז סיקומט פאר אן ערנסטע אסיפה אין די קרעטשמע, אויב האב יאך נישט קיין טעות איז עס געווען דריי דרייסיג פארטאגס-ביינאכט.

און צו דיר סערוויס03 וועל מיר נאך צוריק קומען עוד חזון למועד

תוקן על ידי - התאחדות - 09/11/2005 22:17:54

תוקן על ידי - התאחדות - 09/11/2005 22:20:28

איך וויל דא באגריסען דעם שואל סערוויס פארן ארויפברענגן עפעס וואס דריקט מיך לעצטנס, כאטשיק איך האב נאך קיינמאל נישט געשריבן דא, בין איך אבער א שטענדיגע ליינער, -און איך מוז טאקע באגריסען דא די מנהלי הפורם, פארן אהערשטעלן אזא הערליכע פורם במלוא מובן המלה,- פונדעסטוועגן דאך האלט איך אז לעצטנס איז עס אביסעל טו מאטש שוין, ס'איז אלעס פיין און וואויל, אבער מיט א שיעור.

מיין בעל הבית שטייט מיר דא אונטער די פוס, און איך קען נישט מרחיב זיין את הדבור, אפשר ביי א קומענדיגע געלעגהייט.

הצלחה רבה שירעם

הער אויס התאחדות. אז די רעדסט שוין, וועל איך דיר פארציילען גופא דעובדא.
דער מיטינג איז גאר געווען צו מען זאל דיר געבען געהאלט אלץ דיין. מחמת מען האט נישט געוויסט וויאזוי צו האנדלען.
דער דילעמא איז ווי פאלגענד, מע"כ האט זיך אליין געקרוינט אלץ דיין דמתא. לכאורה קומט דיר דערפאר נישט א געהאלט. למעשה האט זיך ארויס געשטעלט אז דער עולם האט גראדע שטארק הנאה פון האבען א דיין צו די האנט. ווי די האסט געזעהן, מען האט דיר צוגעשטעלט ווייסע לעקטער מיט אלע צוגעהערען פאר א בית דין שטיבעל.
אלזא וואס טוט מען?
די אנדערע העלפט מיטינג איז יא אמת, והראי' די האסט נאך נישט באקומען דיין טשעקעל.

מיט א שמייכעל.

קרעמער אה מחיה גיט געזאגט.
נא דיר [בילד – נישט אפגעהיט]
אז די ווילסט נאך קענסטו אליין צילייגן

שירעם וואס דריקט דיר? וואס איז טו מאטש?
דער קרעטשמער טיר איז אפען לכל דכפין, ווילסטו הנאה האבען קום אריין מאך זיך היימיש, אז עס שמעקט דיר נישט עפעס מיזט דאך נישט לייענען. נישט אזוי?

פארברענגן

גראדע קען קרעמער נישט צולייגן נאך עפעס צו דיין תגובה (אבער אויב ער וויל קען ער מיר בעטן)

איך בין נישט באזארגט פאר אונזער קרעמער.

נאטורליך הגם מ'העט דאס געדארפט לייגן אין א באזונדערן אשקול, אבער דאס לאז איך פאר די באהערדע, איך האף זיי וועלן נישט כאפן אז איך הער זיך צו צו זייער שמועסן[בילד – נישט אפגעהיט]

אבער גיוואלד ערעב זארעכ האט דאך מיך אויפגענומען פאר דאיען מיט גרויס פאראדע, זוך אויף דאס אשקול, וועסטו דאס געפונען.

מיר איז דאס באמת נישט קיין כיליק, אבער לשיטתך דארף איך דאך טאקע באקומען א טשעק, ווער ווייסט צו דער שפיאן האט זיי אויך פארציילט ווער ס'האט באקומען די צען טויזענט דאלער, אוי וויי גיוואלד, דער פון אויבן זאל זיך שוין מרחם זיין[בילד – נישט אפגעהיט]

און אז מען רעדט שוין צווישען פיהר אויגען, מען האט געמאכט דער גאנצער אויפנאם ווייל מען האט באמת איינגעזעהן דאס נחיצות פון האבען א דיין אויפ'ן פלאץ.
אבער ווי געשמועסט פריער, בוש אליין האט אונז שוין פארציילט פון דיין גרויס עשירות.
באשר על כן איז צום האפען אז די זאלסט דיך שיין באשטייערען צום יערליכען דינער פון די הייליגע מוסדות.

טייערע גולשים:
פאר איך ערלויב מיך צו באהאנדלען אייערע תגובות, וויל איך אייך קודם אפגעבן יישר כח פארן זיך אנשטרענגען און מיר ענטפערן העפליך און מענטשליך כראוי וכיאות.

וואס איך האב נאר געוואלט פארשטיין איז אזוי:
איך פארשטיי אליין גאנץ גוט - בעסער געזאגט זייער גוט - וואס דאס מיינט אז מ'זוכט זיך אביסל אינטערצוהאלטן און פארברענגען, בפרט נאך א שווערע טאג ארבעט.

מיין פראגע איז נאר: 1. קענט איר דען נישט אויסטרעפן עפעס מער זאכלעכע ענינים מיט וואס זיך אביסל אינטערצוהאלטן?. אודאי פרשטיי איך אז ס'דארף זיין אויך געמישט מיט אסאך HUMOR כדי עס זאל זיין צוציענד, אבער מ'קען דאך דאס מאכן מיט עפעס מער זאכלעך? (מיט וואס? וואלט איך געהאט א גיטע הצעה, אדער עפעס א גיטע המצאה, וואלט איך דאס אייך זיכער פארגעשלונגען). 2. איינער ענטפערט דארט: "נאריש? קינדיש? אפשר! באדערט דאס איינעם? איז מען מצער דערמיט א איד? קיינעם!". ר' איד טייערער, איך ווייס דאס אז דא אין אייער פארום קריגט מען זיך נישט, איך האב זיך דאך דאס אליין איבערצייגט. קודם דאס אליין, די שיינע מענטשליכע תגובות, וואס איך גלויב אז ערגעץ אנדערש וואלט איך געקריגן פאר'ן בלויזן פרעגן אזא פראגע א מרוטת לחי כמו שכתוב..., דערנאך האב איך פארן אפשרייבן מיין ערשטע תגובה אביסל ארום געבלעטערט אין אייערע אשכלות און זיך דאס אליין איבערצייגט. אייער ענטפער צו מיין פראגע פארשטטייט זיך עפעס ווי איר האט נישט פארשטאנען מיין שאלה, דהיינו איר זענט דאך אלע ערוואקסענע מענטשן און דא מאכט איר אייך אסאך מאל אזוי נעריש מיט קינדערישע געדאנקען ווי כאילו איר וואלט זיך געפונען אין נורסערי-קינדערגארטען..., אדער פליען אייערע געדאנקען אין הוילע דמיונות ווי די כתה ז' אינגלעך, דעריבער האב איך געפרעגט וואס איז דער ציל פון זיך אזוי אראפצולאזן ממש ווי קליינע קינדער ווען מען קען טוהן דאס זעלביגע אלס אן ערוואקסענער אויך.

ס"ה מיין פראגע איז "נישט" פארוואס איר פאליטיקיזירט נישט? פארוואס איר זענט נישט קיינעם מבזה? פארוואס זענט איר נישט ביזי מיט לה"ר ורכילות כדרך שעושה פלוני? ניין! דאס איז נישט מיין פראגע און אדרבה איך טוה אייך גראטולירן פאר דעם, ומכם ילמדו אחרים, מיין פראגע איז נאר פארוואס זאל דאס נישט געמאכט ווערן אביסל אויף אן ערוואקסענעם אופן?

אנטשולדיגט אייך פארן באדערן
און נאכאמאל א דאנק אייך פאר די מענטשליכע תגובות.

טייערער סערוויס03. אנשטאט זיך אפרעדען און פארברענגען טייערע צייט מיט'ן טייפען קשיות.
טוען מיר אייך לאדענען בשם כל הקהל צו שרייבען דא ביי אונז. אדרבה לאמיר זעהן וואס הייסט נישט נאריש נאר זאכליך.
א דאנק פון פאראויס.

איך האלט גראדע אז סערוויס נול דריי איז כשר גערעכט, און אנדערש ווי נאטורליך, האלט איך אז ער רעדט שוין גאר צו דער זאך, און די לאנגע בריוולעך וואס ער שרייבט דא אפ, זענען זייער וויכטיג פאר די הצלחה פון די קרעטשמע, אזוי ווי יעדע לאנד האט איין מאל א יאר א סטעיט אוו די יוניאן וואו מען שמועסט זיך צונויף די מצב פון די לאנד, וואס מען ברויך טאן כדי איר צו פארבעסערן, און וויאזוי עס איז אדורך די לעצטע יאר, אזוי איז אויך געזונט פאר א פורום פון מאל צו מאל זיך איבערצושמועסן און ארויסברענגן אירע מעלות און אדער חסרונות אויב עס איז חס ושלום דא, און זעהן וואס מען קען פאררעכטן. אזוי זעה איך זאכען מיט מיין גראפישן בליק.
[בילד – נישט אפגעהיט]

גראפעלע;

איך האב דיר ביז יעצט כמעט ווי איגנארירט, איך קען זיך עפעס מיט יעדן אנשיקעניש באפארן?

אבער זעהנדיג אז דו ביסט זייער צומישט, און דו קוקסט אן זאכען מיט גאר א פארדרייטען בליק, וויל איך דיר אביסל אויסגראדן...

דא האסטו! קוק זיך אין שפיגל!
[בילד – נישט אפגעהיט]

נישט גענוג קלאר?

דא האסטו!
[בילד – נישט אפגעהיט]

אההה עס איז צו קליין? דיינע גלעזער ארבעטן נישט?

נאדיר...
[בילד – נישט אפגעהיט]

אל מעלת כבוד הרה"ח ר' סערוויס זעראו דריי הי"ו

הער זיך איין.

איך פארשטיי וואס דו פרעגסט, און איך זע אז דו פארשטייסט וואס מיר ענטפערן. דיין איינציגע פראבלעם איז נאר פארוואזשע קען מען נישט שרייבן עפעס מער -ווי מ'זאגט- טאטיש.

לאז מיך דיך זאגן. עס האבן דיך שוין אלע דא געזאגט, און דו האסט דאס אויך פארשטאנען, אז אונזער איינציגער ציל איז ארויפצוברענגען א שמייכל אויף די לעפצן פון אידן, וועלכע זענען טרוד מיט אלע ערליי דאגות וואס עס מאכט זיך ביי אידישע הויז געזונט.

ביזדערווייל האט די -וי דו רופסט דאס- קינדישע וועג געארבעט, און עס האט עררייכט אונזער ציל : יא מענטשן שמייכלען!. נו צו וואס טוישן.

איך וויל דיך נאר בארואיגן, אז דער דמיון פראבלעם איז נישט אזוי גרויס.

מיין נישט אז דער וואס רופט זיך חיים-חייקל, ווען עס קומט צו שמע קולינו ביי די שמונה עשרה וויקלט ער זיך איין אינעם טלית, פארגלייזט זיך די אויגן, ברעכט אויס אין א געוויין, און שעפשעט א תפילה צום באשעפער אז מיר זאלן פטור ווערן פון דעם 'גראף' וואס טיילט אונז אויס צרות.

און זארג דיך נישט אז דער וועם די קענסט אלס 'סאכדעס', זיצט ביי זיך אינדערהיים איבער א פלארעסנט און באטראכט שאלות.

עס האלט נאך נישט ביי אזא שטאפל, אז איך וואס רופט זיך יענטאאש - ראש הקהל, ווען איך וועק זיך אויף אינדערפרי קוק איך זיך ארום צו איך בין טאקע אין א גאסט הויז אין פעטעבורג, און איך שריי אויס 'אך ס'איז שוין נאך האלבער צען כ'האב דאך געהאט אן אוידיענץ מיטן הויפט אפיציר פון די ים פלאטע'.

דער מצב איז נישט אזוי געפערליך....

גוט געשריבן הויכגעשעצטער יענטאאש[בילד – נישט אפגעהיט]
אבער בדרך אגב זיץ איך יא אונטער א פלארעסנט און איך פאסקע שאלעס, האסטו דען נישט געוואוסט אז אלע רבנים האבן דעם קאמפיוטער אינדערהיים[בילד – נישט אפגעהיט]

תוקן על ידי - התאחדות - 10/11/2005 0:28:17

אנטשולדיגט טאמער איינער האט זיך געפילט געטראפן פון מיינע ווערטער.

נאטורליך, איך טו דיך זייער שעצן בכלל, און בפרט פאר דיין הערליכע טאג-בוך, איך בין נישט דא אויסען אייך צו אטאקירן, ולא באתי רק להעיר.

אלעס גייט נאך מיט, מ'האט אויפגענומען א ראש הקהל, א דיין, ארענדאר וכו', אדרבה ס'הייבט אביסעל די מאראל דא.

אבער לעצטנס קוקט עפעס אויס ווי מ'האט שוין נישט וואס צוטין דא, מ'איז "נאר" ביזי א גאנצען טאג מיט דעם, די האלץ האקער רעדט צום וואסער טרעגער, און די ראש הקהל רעדט צום גראף, וחוזר חלילה.

נאכאמאל, אמאל אמאל איז עס זייער פיין, אבער נישט נאר דעס א גאנצען טאג.

יענטאאש, די שרייבסט אז די וועג האט ג'ארבעט ארויף צו ברענגן א שמייכל, איך זעה נישט וואס איז שלעכט מיט די אשכול פון קינדערישע זכרונות, אדער אפי' דיין אשכול ווי די פרעגסט וואסערע מין יענטאאש צו זיין אינדערהיים, צו אמאל האט איינער דא געהאט אן אשכול וועגן די סוגיא פון חיזוק אויף א הומאריטישע אופן, און מ'דארף אפי' נישט דערמאנען די טאג בוך פון נאטורליך. די אלע זאכן זענען גענוג צו מאכן מענטשן שמייכלן.

און נאכדעם איך האב חברים וואס שרייבן דא, וואס האבן מיר אויך געזאגט אז די לעצטע שטיק צייט איז עס צופיל, סאו איך בין נישט דער איינציגסטער, ס'נאר דא מענטשן וואס האבן מורא צו זאגן זייער הערות אין פאבליק. (מחמת איזה סיבה שהוא)

איך וויל נאכאמאל איבערבעטן יעדן איינעם וואס פילט זיך געטראפן פון מיינע ווערטער, איך מיין ח"ו קיינעם נישט וויי צו טין.

כבוד ר' שירעם נ"י, אדרבה. לאמיר זעהן וואס די קענסט. הייב אן שרייבען, ברענג ארויף א טעמע מאך א קאנווערסעישען. סתם קריטיקירען איז נישט אינטערסאנט ווייל אויב האלסטו נישט דערפון מיזטו דאך נישט לייענען.
אויב גראף וויל זיך אויסגעבען און אפשרייבען א גאנצער גליון פאנטאזיעס, צו חיים חיקל ניצט אויס זיין שיינע פענע צו אביסעל הומאר. איז די ברירה ביי די לייענער צו לייענען אדער פארלאזען דער אשכול און קליקען אויפען אנדערען. גלייך ווי די אידישע ליכט לייענער, יעדער האט א געשמאק און א אנדערע נושא. די פרויען לייענען נישט די דברי תורה און די מענער לייענען נישט די רעצעפטען פאר קארען פלעקס קיגעל.
קוק אויף די שקלא וטריא פון קרעמער און די שאלות פון די וואך ועוד ועוד.
די שרייבער דא זענען מער ווייניגער חשובע בטעמ'טע אינגעלייט וואס ווען זיי ווילען נעמען א פאזע פון די ארבייט זענען זיי דא צו פארברענגען מיט נישט אנגעשטרענגטע זאכען.
קינדער אין חדר גייען און הויף ביי לאנטש, בעלי בתים קומען דא אהער. מה כל הרעש אז מען שרייבט נישט טיעפע רעיונות?
קליינע שפילען זיך מיט שפילצייג, ערוואקסענע שפילען מיט שרייבען לייכטע שטיות.
אז א געוויסער שרייבער איז נישט געניג אינטעליגענט למע"כ, הברירה בידך ובעינך נישט צו קוקען זיינע געמויזעכץ.

קרעמער;

די פאנגסט אן מיט באלד אותיות אז העי! די ווילסט שוין לאנג פרעגן די שאלה, און נאכדעם לאזטו דיך אריין און א גאנצע אריכות, צו פאר-ענטפערן פאר דעם סערוויס-מאן, יעצט שטעלט זיך די שאלה אויב די ווייסט די ענטפער דערויף, וואס הייסט אז די ווילסט עס שוין לאנג פרעגן?...

וואס איך טראכט אפשר איז אז די האסט געמאכט א דזשאוק ווען די האסט געשריבן אז די ווילסט עס שוין לאנג פרעגן, און אזוי קוקט טאקע אויס, ווייל ווען די פאנגסט אן צו ענטפערן, שרייבסטו "ערנסט גערעדט:".

אבער די פראבלעם איז נאר אז ס'קוקט מיר נישט אויס צו ערנסט... (ס'האט אפאר מאל אזאלכע דריי פינטעלעך... אנצוצייכענען אז דא דארף מען לאכן).

=====

בנוגע די סומאטאכע דא, עטס דארפט'ס מיר געבן צייט עטליסט ביז נאכן ברית, אפשר דעמאלטס וועל איך עפעס זאגן דערוועגן.

געווען איז דאס אין א גרינעם פאכמרעטן 'מיטוואך' ווען 'חיים חייקל' דער וואסער טרעגער רישט זיך שוין צו זיין וועג אהיים נאך זיין שווערן טאג ארבעט. די פאכמארעטע הימלען, די דיקענע וואלקענעס, וועלכע האבן זיך אויסגעשפרייט העכערן דארף האבן אים אביסל פארשווערט זיין וועג, אט אט רישט זיך צו פאלן א רעגן, קיין שירעם האט ער נישט מיט זיך, אבער מאכט נישט - דערמאנט זיך חיים חייקל אויפן ארט - מיר האבן דאך הערשט געבעטן דעם הייליגן טאג 'ואל יכנס לפניך תפלת עוברי דרכים'. איבערהויפט אז חיים חייקל ווייסט אז פאר אים - דער וואסער טרעגער פון דארף - איז דאך דער רעגן-וואסער ממש ווי א ברכה, דען די דערפישע קוועלער זענען דאך האלב ליידיג צוליב דאס גרויס טריקעניש וואס האט געהערשט אין דארף דעם נארוואס פארלאפענעם זומער.

אה... די קרעטשמע... אה... ב"ה... דער גראף האט שוין, דאנק אין ג-ט, אויפגעגבן זיין טייוועלישן פלאן, אה... לעושה נפלאות גדולות כי לעולם חסדו..., דעריבער לאמיר אריינגיין אין די קרעטשמע נאכאמאל כאפן א לחיים, אין דאנקען ג-ט פאר זיינע גרויסע חסדים ברוב עם – טראכט אזוי חיים חייקל צו זיך גייענדיג אין זיין וועג –

נאכמער טראכט ער אזוי, אפשר גאר וואלט מען געווען געדארפט אראנדזישרן און ארגאנעזירן א א יום טוב, א משתה ושמחה, א גרויסארטיגע סעודה'ניו מיט בשר ודגים, און פארשטייט זיך אליין אז פון די כעלערליי געטראנקען וועלכע גיסן זיך דא כסדר, אין א פשוט'ן טאג, וועט פון זיי אודאי און אודאי נישט זיין קיין מאנגל ביי די גרויסארטיגע סעודה, אדרבה ס'וועט זיך גיסן אזוי אז אפי' די שטימע וועלן ווערן בגילופין.

א גוטן טאג... א גוטן טאג... מיינע טייערע פריינד! מיינע קרעטשמערס! - באגריסט אזוי חיים חייקל אריינקומענדיג אין קרעטשמע מיט זיין יום טוב'דיגע שמייכל –

זייער מאדנע... זייער מאדנע... קיינער ענטפערט נישט, קיינער מאכט זיך נישט וויסנדיג, אלע זיצן דארטן אין איין וואונקל צוזאמענגעקוועטש ארום איין טישל, אלע מיט די ציקנייטשטע שטערנ'ס, און מ'סודות'סט זיך ארום. חיים חייקל מערקט ווי די קרעטשמער באהאנדלען דארט עפעס א ערנסטן ענין, אבער געוואלד וואס איז דאס אזוי ערנסט היינט? וואס באהאנדעלט מען דארט? הערשט היינט אינדערפרי איז דאך אנגעקומען די בשורה טובה פון אונזער באליבטן ראש הקהל איבער די ביטול הגזירה וואס האט געהאנגען איבער די קרעטשמע, טא צו וואס איז מען דארט אזוי ערנסט?

חיים חייקל וויל זיך אויך אזוי צוזעצן צו דעם טישל הערן וואס מען באהאנדעלט דארט, א קאלטער שווייס באגיסט אים ווען ער הערט איבער די ידיעה פון די נייע צרה וואס א געוויסער מאן דהוא האט געוואלט ח"ו אריינווארפן היינט אויף די קרעטשמע.

וואס? א מרה שחורה האט ער אונז געוואלט אנווארפן? אוי... דאס, די גזירה, איז דאך צען-טויזנט מאל ארגער און גרעסער ווי די גזירה פונעם גראף - שרייט חיים חייקל מיט א געוואלד -

חיים חייקל גארטעלט זיך אן שטעלט זיך אויף און זאגט זיי:

הערט מיך אויס מיינע טייערע ידידים זאגט דעם יעניגן אזוי:
דא - אונזער קרעטשמע - איז א רשות הרבים ווי עס קומען אריין ארימע, פארפלאגטע, צובראכענע, יודן זיך צו דערקוויקן דאס הארץ. ביי אונז אין די קרעטשמע דארף מען קיין רשות נישט האבן, ס'איז פריי אפן. יעדער קען אריינקומען! אבער בתנאי אז די באזוכער דארפן זיין - אדער ווערן – פרייליך! די טיר איז אפן פאר אלע יארגאנג צוגלייך: גאר יונגע יונגעלייט, יונגעלייט, מיטל יעריגע און אלטע יודן, דאס זעלביגע איז דאס אפן פאר אלע סארט מענטשן צוגלייך קלוגע און... געזונטע און... א.א.וו.
טא מיינט דער יעניגער אז ביי די צובראכענע פון אונזער פאלק איז פארהאנדן נאר עלטערע צובראכענע מענטשן? אדער אפשר מיינט איר אז אין דעם קאטאגאריע זענען פארהאן נאר ערוואקסענע? אדער אפשר גאר מיינט איר אז פון די סארט זענען פארהאן נאר אזעלכע וואס מ'האט אויסגערופן אויף זיי איידערן געבורט חכם? ניין! מיר ווייסן - און מיר זעען - אז ליידער ליידער נעמט דער פראבלעם אריין אלע סארט עלטער און אלע סארט מענטשן צוגלייך יונגע ווי אלטע קלוגע ווי נ..., ווייל דאס, דער פראבלעם, זענען אויך פון די זאכן וואס מ'נעמט זיך נישט אליין...

די פילע באזוכערס דא טרעפט זיך יעדערער 'זיינס' גלייכן מיט וועם צו כאפן א גוט ווארט! און טאקע דאס איז די סיבה פון די גוטע אטמאספער אין די 'היימישע קרעטשמע'! ווייל דא געפונט זיך יעדער 'היימיש' ווייל יעדער טרעפט זיך זיינס גלייכן...!

זאגט דעם יעניגן, זאל זיך אביסל מער דרייען צווישן די טישלעך, וועט ער שוין אויך טרעפן דא זיינס גלייכן. א ביישפיל זעה איך, ער האט אפי' שוין געפונען עטוואס זיינס גלייכן, די 'נאטורליכע' באשרייבונגען מיט די אמעריקאנע פרעזידענטן זענען אים גראדע יא געפאלן. זאל ער זיך, ווי אלע באזוכערס דא, אויפזיכן זיינ'ס גלייכן און איבערלאזן זיין שמייכל צווישן די טישלעך פון די קרעטשמע.

פארשטאנען???

א שיינע שאלה, און גלייכצייטיג גוטע סערוויס צוגעשטעלט פארן עולם...

איך ווייס נישט פארוואס, אבער דער אשכול דא געפעלט מיר עפעס די מערסטע. [פארשטייט זיך נאך נאטורליךס טוגביך..]

ולגופו של ענין, חיים חייקל האלט ווי דער ראב"ד אז חכם רופט מען אויס און נישט מען נעמט עס אליין. אבער איך האלט ווי דער רמב"ם אז מען קען עס אליין נעמען [בילד – נישט אפגעהיט]
נישט צו פארדרייען די געמויזעכץ דא, וועל איך זאגן את אשר עם לבבי וזה החלי. באמת האב איך שוין אויך געוואלט פרעגן די קשיא אלאנגע צייט צוריק, עטליכע ואכן נאכן אריינקומען אין קרעטשמע, [די דעמאלטסדיגע היימישע שטותים] ולמען האמת האט זיך דער פורום געעפענט מיט גאר אנדערע טעמעס נאר האט זיך פארוואנדלט היינט צוטאגס און א כרם זלות לבני אדם העומד ברומו של היידפארק א יחיד במינו קיין מחלוקת קיין הלבנת פנים אלעס מיט א אמתדיגע פריינטליכקייט און שמייכלדיגן ציל. דאס איז אמאל.

היום יום, ווען דער ציל איז קלאר, ארויסצוברענגען א שמייכל און זיך אונטערהאלטן אויסגעבן אן מחלוקת, איז מיין איך שוין פארענטפערט געווארן די קעפל פון אשכול. חוץ די קשיא פארוואס פונקט קרעמער דארף אלס ענטפערן ער איז דאך שוין אפילו נישט קיין מנהל. מיין שאלה ווערט יעצט נאר:
וואס איז דער ציהל פון סערוויס 03??

און מסיים זיין בדבר טוב, מזל טוב ר' נפחת פענסטער [נוטריקין פנחס...] צום געבורט פון דיין אייניקל.

חיים_חייקל דער פשוטער וואסער טרעגער שטייט נאך אלץ מיט אן אויפגעברויזטע מינע אויף זיין געזיכט. דער קוטשמע ליגט אים שיף אויפן שפיץ קאפ אביסל פאריקט אויף די זייט, אין זיין רעכטע האנט -וועלכע ער שאקלט הין און צוריק פאר נערוועזיטעט- האלט ער צוויי גרויסע בלעכענע וואסער-קריגלען, און מיט די אנדער האנט דראעט ער מיטן פינגער ווי צו זאגן 'איך בין זייער אויפגעברויזט.

ווען אט קומט דער ראש הקהל צו צו אים פון אונטן, גיבנדיג אים א ליבליכן קלאפ אין די פלייצע, און מיט א שמייכל בארואיגט ער חיים חייקל'ען פון זיין אויפברויז אים זאגנדיג אז אלעס וועט זיין אין ארדענונג.......

תוקן על ידי - יענטאאש - 10/11/2005 3:08:17

חיים חייקל דרייט זיך אויס א נייגעריקער, פרעגנדיג: ווער איז דאס וואס האט אים אזא פריינדליך קלאפ אין די פלייצע זיינע געגעבן?
אה... אה... שלום עליכם אייך, שלום עליכם אייך, טייערער ראש הקהל. ב"ה אבי מ'זעט זיך. זאגט אונז עפעס מער פרטים פון די גוטע בשורה.

חיים חייקל קלערט אויך אויף דעם ראש הקהל אז:
ניין! ניין! חיים חייקל קען אויפגעברויזט נישט זיין!
דער שטענדיגער שמייכל וואס איז אויסגעגאסן אויף זיין אויסגעהארעוועטן גוף ווערט פון אים קיינמאל נישט אראפגענומען!
די נארוואס נאכאנאנדיגע צרות וואס גייט פאריבער אויף זיין 'באליבטע קרעטשמע' מאכט אים גארנישט טרויעריג, זייענדיג אנגעפילט מיט א ריכטיגן בטחון אז די אלע זאכן וועלן פאריבער גיין שנעלער ווי זיי זענען געקומען.

חיים חייקל מעלדט אויך דעם ראש הקהל איבער זיין אנטווארט וואס ער האט געשיקט צו דעם יעניגן...

אוי וואסארא קלוגער איז דער חיים חייקל, ווען ווייס איך דאס פון פראנאויס, שעם איך זעך דעך נישט אזוי, מיט עמען.

לאז מיר אייך ליבע ברודער מסביר זיין וואס מיין איך מיט דעם, הערט מיר א מאסע וואס איך האב הויטע מיטגעהאלטן אין קרעטשמע.

געמיינט האב איך אז חיים חייקל איז כאסוועשאלעם פון די נ... און ווייסט זיך נישט ווי אזוי זיך אנייצע צו געבן זיך ווען א פראבלעם רוקט זיך אפיר, אבער דא האב איך געזעהן פון א ווינקעלע אליין, אז די אלע גרויסע קעפ פון די באהערדע, זיצן און שפעקולירן ווי אזוי זיך אנייצע צו טאהן מיט די נייע סערוויסעס, וואס דער גראף האט אנגעהויבן צו שטעלן, פאר די דארפישע, ביי אלע טיהרן און טויערן האט מען אנגעזעהן די שירעמעס, וואס ביינונץ אין דארף איז דאס נישט פון די נארמאלע ערשיינונגען, זע בעקוי וועזע בעקוי, אפשר גיין מיט דארקיי נאעם, עפשער אהער עפשער אהין, אבער צו קיין מעסכאנע איז מען נישט צוגעקומען,

און "אפס" הערט וואס איך זעה:

אונזער חיים חייקל דער וואסער טרעגער מיט די נאסע הענט קומט אריין, ער רוקט זיך אריין פון אן אונטער טירל, און ער שטייט שוין ביי יענעץ טישל, -טו הו איט מעי קאנסערן; ער האט דאס געמאכט גאנץ כיטעריש,-, ער כאפט גאנץ גיעך וואס דא גייט פאר, און ער גיט זיך אזא פארקנייטש דעם שטערן, די גאנצע באהערדע בלייבט שטיל, און אט הערט; חיים חייקל הייבט זיך די שטימע, איך פון די זייט האב געמיינט אז ס'קומט א שטיקל פון יוסעלע אדער זבל, ... האלט אייך געשפאנט, ניין סיז שוין גאר קיין כאזאנעס נישט, סיז דברים של טעם, געזאגט מיט א ברייטן שפראך, אזוי אז אפילו איך דער נ... האט דאס אויך געקענט פארשטיין.

סיז צום האפן אז די אלע אנדערע וואס האבן דאס געדארפט צו הערן זאלן דאס דערהערן, און אינאיינעם אויפלעבן די ווארימע קרעטשמע, און זיך נישט שטופן אין א זייט מיט כאוויירים און אראפגעלאזטע נעזער, און בורטשען, ...קינדיש... ...נאריש... וכו' כו', אלע לאזונגען פון א שווארץ יאר, יהי רצון שיהיו דעווארים האיאצעים מין האלעוו נעחנאסים על האלעוו
וועלא יישאמע אויד שאד וואשעווער

זאגסט מיר סאכדעס?

איך האב דאך שוין אן אלטער חשד אז דער חיים חייקל איז שוין גארנישט אזא 'פשוטער' וואסער טרעגער ווי ער שטעלט זיך אהער, איך קלער אפילו אז ער איז גאר פון די ל"ו'ס.....

איינע פון מיינע יענטאאש'לעך זאגט מיר אז ער האט אים געזען ביי שלש סעודות גיין צום נאנטן וועלדל.....

וואס רעדסטו יענטאאש, עבאדעי אזוי.
וואס וויסן זיי די אינגווארג??
איי איז געווען גוטע צייטן, גראדע דענק איך איהם נאך פון די באכערישע יארן אין ישיבה, וואס איז געפירט געווארן דורכען ראוו פון דערנעבענדיגן שטאט, איי איז דאס געווען יארן, נו וואס קען איך ענק פארציילן.

גוט מארגן אייך טייערע גולשים.
א יישר כח אייך צום דריטן מאל פארן מיך מהנה זיין, און זיך אפגעבן מיט מיין פראגע, און מיר פרובירן מסביר זיין אייער ציל.

כדי אייך איבערצוצייגן אין מיין אויפריכטיקייט אז איך מיין אייך ח"ו נישט צו טשעפענען, וועל איך מיך פרובירן אליין צו פארענטפערן מיין פראגע, מיט א גוט ווארט, און גלייכצייטיג דערמיט מקיים זיין אייער פארלאנג אז איך זאל איבערלאזן א גוט ווארט.

איך קוק מיך אזוי אן דא ביי אייך אין פארום, ווי דער שטעטערישער איד וועלכער איז אמאל, זייענדיג אויפן וועג, אריינגעפאלן אין א דארפ'ס קרעטשמע און הערט ווי די דארפסלייט רעדן אזוי צווישן זיך וועגן די איינגעפאלענעם בודקע וואס שטייט אין עק דארף. עס איז געווען א גאנצער וויכוח צווישן די דארפסלייט צו עס דרייען זיך יא שדים אין דעם בודקע צו נישט. דער וויכוח איז געגאנגען אהין און צוריק, איינער זאגט יא! זיכער איז דא דארט שדים! זיין ווייב האט אליין געזען, דער אנדערער זאגט עס קען נישט זיין א.א.וו.
דער שטאטישער איד, וועלכער איז נישט געווען געוואוינט צו אזעלכע זאכן, שטייט אזוי מיט זיין שמייכל אין דער זייט, שמייכלט זיך אזוי אונטער פון דעם מאדנער וויכוח איבער די שדים דמיונות פון די דארפסלייט, און נישט קענעדיג זיך איינהאלטן גיט ער א פרעג דעם דארפס איד וואס זיין ווייב האט אליין געזען די שדים, זאגט נאר ר' איד, וויאזוי זעהן זיי אויס די שדים? דער דארפס איד וועלכער איז געבליבן אזוי געפלעפט, נישט האבנדיג קיין ענטפער, זאגט ער צו דעם שטאטישן איד, נע וואס פארשטייט דען א שטעטערישער איד צו די דארפס שדים?

אונטערשטע שורה: נאך אלע אייערע תגובות זעהט אויס איך בין א שטעטערישער איד און איך פארשטיי נישט צו אייערע דארפס געשפערכן...
א גוטן

נ.ב. 2 זאכן.

1. נאך איין קליינטשיגע פראגע'לע איידער איך גיי.
טאמער פאל נאכאמאל אריין אין אייער קרעטשמע, ווי איר רופט דאס, מעג איך נאכאמאל פרעגן עפעס אויפריכטיגע שאלות? וועל איך נישט פארשריגן ווערן?

2. איר מעגט נאך ווייטער ענטפערן אויף מיין שאלה, ווייל איך שטעל מיך פאר אז עס דא נאך באזוכערס דא וואס האט זיי געדרוקט מיין שאלה און פון צווישן אזויפיל תגובה'ס, וואס זענען שוין געשריבן געווארן און וואס וועלן נאך געשריבן ווערן, איז זיכער דא מענטשן וואס האבן ארויסגענומען דערפון א געהעריגן ערקלערונג, זה בכה וזה בכה.

בלייבט געזונט.

פרעג מיין קינד פרעג, שרייב און פארצייל.
גיב זיך אויס דא ביי אונז, מיר האבען הנאה פון סיי וועלכער איד וואס קומט אריין ביי אונז און טיילט מיט זיינע מעשיות. אז די ווילסט, זיי די אפילו דער מותיב ומפרק אליין. מיר הנאה פון דיר.

סערוויס03;

יישר כח פאר דיינע דיבורים, די מעשה מיט די שדים איז אונז באקאנט גראדע, עס איז פארגעקומען דא אין קרעטשמע מיט א קורצע צייט צוריק...

ערנסט גערעדט (איך זעה אז איר זענט זייער ערענסט... פרוביר איך זיך צוצושטעלן):

עס באדערט אונז בכלל נישט אז איר האט געפרעגט אייער אויפריכטיגע פראגע וואס נוגט אין אייער מח שוין א לענגערע צייט מסתמא, עס איז נישט קיין חסרון צו פרעגן, פארקערט, מיין רבי פרעגט זאגען: פרעגן מעג מען! (אך און וויי איז אבער געווען אויב דאנערשטאג פארמיטאג האב איך אים געפאלגט און צוגעגאנגען פרעגן א רש"י...).

דו האסט אויפגעעפענט א הערליכע דעבאטע צווישן אונז אלע איבער וואס עס איז טאקע דער ציהל פון די קרעטשמע. האסט געגעבן די געלעגנהייט פאר א טייל פון אונזערע חשוב'ע מיטגלידער ארויסצוברענגן זייערע געפילן צום פורום, מערסטנסטייל העכסט פאזיטיוו!

ווער וואלט זיך געגלייבט אז דער שטילער חיים חייקל האט ביי זיך אנגעגרייט אזא הערליכע רעדע איבער די אייגנארטיגקייט און אויטענטישקייט פון די קרעטשמע? ווער ווייסט וואס עס וואלט ח"ו געשען ווען ער בלייבט שטעקן מיט די דרשה ביי זיך אין וואסער אמפער?

דו האסט געגעבן די געלעגנהייט פאר מיר און אנדערע צוגלייך אביסל מסביר צו זיין די מעלות פון אונזער/אייער פורום, וואס מיר האפן אז איר האט פארשטאנען, און אז איר וועט אונז נישט פארלאזן!

אויב איר וועט אונז חס ושלום פארלאזן, וועט דאס זיין ביי אונז א גרעסערע פאטש ווי אייער אויפריכטיגע שאלה: "וואס איז דער ציהל פונעם פורום".

צווייטנס, טוהט אונז וויי אז איר זענט אונז חושד אז מיר וועלן אייך נישט אפגעבן דעם ריכטיגן כבוד ווען איר פאלט נאכאמאל אריין דא. וואס מאכט אייך אזוי טראכטן? קענט איר אונז פאר אזעלכע סארט מענטשן? בפרט נאך די הערליכע אויפנאמע וואס איר האט דא באקומען ביים ערשטען מאל!?

אדרבה, זאגט אונז וועלכע סארט טעמעס פאראינטערסירן אייך, און מיר וועלן פרובירן ארומרעדן דערפון.

קרעמער

עס ערשט אין זאהל א אנגעצויגענע שטילקייט דער עוילעם זיצט און ווארט זאל זיך אנפיינגען די פערדע סטסענע (חלק),פון דעם פאר-שפיל (הצגה),

ענדליך הויבט שוין אן די מוזיק שפילן, צוביסלעכווייס העפנטזיך-אף די גרויסע פאריינג (וילון)עס געדויערט נישט מער ווי א אלבע מינוט, און עס זעהט-זיך ארויס דער גאנצער געשטאלט,

זיצט א איד אין ווינקל אנגעטאן מיט בגדי אסירים צו קלאפט די קאפ פארבלוטיגט דעם פנים צוגעבונדן די הענט מיט קייטן און וויינט,

יא איך האב גלייך דערקענט אז ער איז חיים יאנקל ווייס דער בעסטער שפילער אויף דער פאר-שפילער און איך האב געאפט אז די סטסענע וועט זיין שענער פון די פריערדיגע,

חיים יאנקל פארשטעלט אלס א ארסטירטער (כלוא) אין טפיסע,
אויבט אן זינגען די גראמען וואס דערציילט פארן עוילעם דעם שרעקלעכן דורכפאל, וויינענדיגערייט מיט א ארציגע ניגון,


אין מיין רעכטע זייט זיצט א הונגערישער איד ער זעט אויס ווי צו אלט זיין טיף אין די פופציג,
איך האב באמערקט אז פון ווען דער שפילער האט אנגעאויבן מיט זיין זינגען אלט ער אין איין שטרומען ער זיצטנישט איין שאקלט-זיך א-ער און א-אין,
איך פיהל ווי עפעס דריקט עם, איך אויב שוין מורא האבן אז אפשר האט חלילה עפעס פאסירט שלעכט מיט עם,

אומר ועושה איך בויג זיך צו זיין אויער איך ברום עם אריין אזוי שטילערייט: זאגטס אלטס איז אין ארדענונג מיט אייך?

וואס ....???

גיט ער אפלאץ אויס אין א גאשריי, וואס עס האט דורך געשניטן דעם דיקן שטילקייט וואס עס האט גערשט ביז יעצט,

וואס..??? אאיד שטייט דארט אויבן און וויינט צוקלאפט צובלוטיגט געבינדן די הענט מיט די פיס און עוילעם גוילעם זיצטזיך אזוי רוהיג...!!!
נישטא דא קיינער וואס קען צוגיין איהם העלפן..?!?!? איך גלויב ווא איך זעה !!! אכזרים...!!!


דער גאנצער עוילעם העפנט אויף איהם אזעלעכע גרויסע הויגן ווי ער וואלט פון די לבנה אראפ געקומען,

איך נעם מיך די מוט, און איך הייב אן צו איהם לאזן פארשטיין,

רעב איד בארוהיגט-זיך זאג איך איהם, עס איז נישט מער ווי א שפיהל דער איד איז דאך חיים יאנקל יא יא דער באוואוסטער חיים יאנקל ער שפילט האס כאילו אז ער איז געבונדן כאילו אז עיימיצער האט איהם ערעסטירט,

וואס? דאס איז חיים יאנקל?

אקט ער מיר אפ אין מיטן רעדן,

חיים יאנקל האט דאך אין גאנצן א אנדער אויסקוק?!

יא יא ביסט גערכעט עטפער איך איהם! אבער חיים יאנקל האט זיך פארשטעלט ער גייט יעצט אן געטאן אמאסקע ע...,

וואס??? איך כאפ נישט וואס דו זאגסט..!,

האט ער מיר ווידער אמאל אפגעאקט מיין רעדן.

חיים יאנקל איז משיגע געווארן??? עס איז פורים איינט.... ??? ער איז אקליין קינד פון כיתה ז' וואס ער באנארישטזיך...???


















מורי ורבותי האט עיימיצער א ענטפער פאר דעם הינגערישער באק?

איך בין געבליבן שטעקן מיט א אפענע מויל ....


קענסט שרייען פון היינט ביז מארגן "חי_וקים", ס,וועט דיר גארנישט העלפן...!!!

איינפאלנדיג אין דעם אשכול, מערק איך ווי די גאנצע קרעטשמע איז פלוצים אריינגעפאלן אין אן ערנסקייט. דער גאנצער עולם, יעדער פרובירט מיטן גאנצן ערנסקייט מסביר זיין די וויכטיגע 'סערוויס' פון די קרעטשמע. דעריבער וויל איך קודם מכבד זיין דעם עולם מיט א גלעזל "יין שרף"... און אראפשלעפן פונעם עולם די ערנסטע מאסקעס פון פנים. רבותי, זייט נישט אזוי ערנסט, ס'איז נישט אזוי געפערלעך...

***
נאך א גלעזעלע 'יין שרף', וועל איך כיודה ועוד לקרא, אים ענטפערן מיט א שטיקל ליקוטי מהר"ן (מהדו"ת כד):
והכלל שצריך להתגבר מאד בכל הכחות להיות אך שמח תמיד. כי טבע האדם למשך עצמו למרה שחרה ועצבות מחמת פגעי ועקרי הזמן, וכל אדם מלא יסורים, על כן צריך להכריח את עצמו בכח גדול להיות בשמחה תמיד, ולשמח את עצמו בכל אשר יוכל אפילו במילי דשטותא.

און צו דעם ר' סערוויס דריי – און אלע צוקיקערס פון דער זייט - וועלן מיר זאגן:

בענין השמחה. עפ"י משל, שלפעמים כשבני אדם שמחים ומרקדים, אזי חוטפים חאיש אחד מבחוץ שהוא בעצבות ומרה שחורה, ומכניסים אותו בעל כרחו לתוך מחול המרקדים, ומכריחים אותו בעל כרחו שיהיה שמח עמהם גם כן (שם).

עס וועט אייך גארנישט העלפן, מיר וועלן ווייטער טאנצן און שפרינגען, ביז איר וועט מיט געוואלד מיטגעשלעפט ווערן...