פרשת בא

איך זעה אז קיינער האט נאכנישט געעפענט קיין אשכול אויף די וואך, וועל איך זיין דער מתחיל במצוה.

די וואך לערנען מיר פון קידוש החודש, וואלט איך געוואלט פרעגן אויב איינער ווייסט דעם חילוק פון "חדש" און "ירח", ביידע באדייטן לכאורה א מאנאט, אלזא וואס איז די נפקא מינה צווישן די צוויי אויסדרוקן.

באזוכט אויך מיין פורום "ידיעות" http://masoret.hevre.co.il/hydepark/forum.asp?forum_id=16206 יישר כח.

אינטערסאנטע זאכן פון די סדרה:

פארוואס זענען דתן ואבירם נישט געשטארבן צוגלייך מיט אלע אנדערע רשעים וואס זענען אויסגעשטארבן ביי די שלשת ימי אפילה?

ענטפערט דער רא"ש ווייל "זיי האבן זיך קיינמאל נישט מייאש געווען פון די גאולה"!

**

וואס איז די קונץ אז די הינט האבן נישט געבילט ביי יציאת מצרים? (אז דער פסוק מאכט אן עסק פון "ולא יחרץ כלב לשונו").

זאגט דער רא"ש: ווייל די סדר איז אז ווען דער מלאך המות קומט אין שטאט, טוען די הונט שרייען (ב"ק ס:) און יענע נאכט איז דער מלאך המות געווען אין מצרים צו שלאגן די בכורים, און דאך האבן זיי נישט געבילט.

**

פארוואס האט השי"ת באפוילן אז מען זאל דעם קרבן פסח נישט קאכן, נאר בראטן?

זאגט דער רא"ש: ווייל ווען מען קאכט גייט נישט ארויף אזא שטארקע גערוך ווי ביים בראטן, און השי"ת האט געוואלט אז די גערוך פון די קרבן פסח זאל אריינדרינגן אין די נאזלעכער פון די מצריים על אפם ועל חמתם!

כ'האב אמאל געהערט א שיין ווארט פון די וואכעדיקע סדרה, (ליידער געדעק איך נישט דעם מקור.)

"ויאמר פרעה מי ומי ההולכים, ויאמר משה בנערינו ובזקננו נלך"

"מי" איז בגימטריה   50
"נלך" איז בגימטריה 100

פרעה האט געזאגט "מי" ההולכים, דהיינו: בלויז 50% פון אייך וועלן ארויס גיין פון מצרים,
און משה רבינו האט געזאגט "נלך" דהיינו: מיר וועלן ארויס מיט אלע 100%

יישר כח ערעב מאטעס פאר די שיין ווארט, אבער אזוי ווי עס שטייט מי ומי ההולכים, צוויי מאל מי איז דאך ווידער הונדערט, מוז מען טייטשן אזוי. פרעה האט געזאגט "מי" ו"מי" ההולכים, עס איז נאר א "פופציג/פופציג" פראצענט שאנס אז איר וועט ארויסגיין.. אבער משה האט געזאגט: מיר זענען "נלך", הונדערט פראצענט פאזיטיוו אז מיר וועלן ארויסגיין.

דאס איז שוין א אייגענס. ?

נו. פארוואס נישט ארויסגעבן א קונטרס אדער ספר, "דברי הגראף" אדער "גראף וחידישיו"
נישט קיין חילוק, זאל עס הייסן וויאזוי די ווילסט. [אפשר האסטו עפעס א גמטריה]

איך מיין ס'וועט זיין א גרויסע פארלאנג דערפאר.