היימישע שטותים — ארכיוו
זוך אין אלע ארכיוון
הויפט זייט » היימישע שטותים / היימישע קרעטשמע — נאכן ווידער-עפענען (יוני 2005 – 2006) » איך פאר אי"ה קיין מאנגאליע

איך פאר אי"ה קיין מאנגאליע

24 פאסטס אין ארכיוו · אשכול #1890616

גרויזאמער » 21/4/2006 20:30

באלד מוצאי שבת אי"ה פאר אים ארויס פונעם קענעדי עירפארט קיין מאנגאליע, א לאנד אין צענטראל אזיע.

די אורזאך פון מיין פארן איז נאכנישט ערלויבט ארויסצוגעבן, אבער אזויפיל זענען מיינע ווארטזאגער צופרידן צו מעלדן פארן ברייטן נייגעריגע מאסן:

דער קריגס מיניסטער פארט קיין מאנגאליע ווי ער וועט וויילן געציילטע טעג, איבער דיפלאמאטישע באציאונגען פון די הנהלת הקרעטשמע מיטן מאנגאלאישע פרעמיער מיניסטער נייאיגאמבאו ענכבאלד.

אין לויף פון די צייט וואס מיר וועלן פארוויילן דארט אין באגלייטונג פון א ענגע צאל ידידים וחסידים, וועלן מיר איינשטיין אינעם עיר הבירה מאנדאלאגאבי וואס געפינט זיך אין דונדגאוו (נישט פארטוישן מיט דורנאגאבי, וואס דארט וועלן מיר אויך אפשטאטן א באזוך אויף געציילטע שטונדען איבערצוגעבן אונזערע אידעאלאגישע צוגאנג צו די ארטיגע פארשטייער).

ווי עס איז צו האפן וועלן זיך אפגעפונען א קליינע מספר אידן וואס וועלן געוואויר ווערן פונעם באזוך און אריבערקומען להתברך ולהתייעץ.

פאר די ידידים ומעריצים וואס ווילן מיטהאלטן פונדערווייטנס, האבן מיר געפענט א וועב זייטל פון די אלע פלעצער וואס מיר וועלן באזוכן

http://www.slackertravel.com/pictures/Mongolia/mongolia.html

איך בין נאכנישט געהעריג באהאווענט אינעם מאנגאלישן שפראך, אבער האפענטליך וועל איך שנעל דערגיין וויאזוי און מיט וואס אינטערצוקויפן די מאנגאליענס.

ווי אויך איז נישט קלאר צו די באהערדע דארט וועלן מיר צושטעלן א מקום לגלוש, און אויב יא צו יענער כלי הטמאה וועט פארמאגן היברו אויף זיך. איך וועל פראבירן צו אפדעיטן דעם עולם, אויב נישט אין אידיש אויף מאנגאליש.

ה' ישמר צאתך ובואך מעתה ועד עולם.

סאכדעס » 21/4/2006 20:53

שטייענדיג אזוי אסרו חג אויף פון בעט באקומט דער דאיען א רוף פון דעם גרויען קליינזאמער, און מיט איין שמחה אז די וויזעס זענען ערלעדיגט געווארן, דער דאיען האט נישט קיין אנונג וואס דער וויל שוין ווייטער דער קריגס מיניסטער, ער זאגט איהם ווארט מיר אין פייטינג עריע, זאגט דער קליינזאמער אה אה ניין ניין, הארך מיר אויס א מינוט, כאב גענומען אויף מיר א נייע מיטל ציל, להתוודע ולהגלות, כי הוא מלך על כל הארץ: מ'פאר מיר קיין מאנאגליע, -כאף אז איך זאג עס גוט נאך- מיט'ן הייליגן ציל, צו פארשפרייטן דע הייליגע דעת קודש פון די חכמי הקרעטשמע, פארשטייט זיך אליין אז אהן דעם דאיען קען מען נישט פארן, וואס על איך ענפערן אויב עלן זיין פרעגן שאלעס.

דער דאיען קווענקלט נאך אין גרויסן, ער ווייסט נישט וואס צו טוהן, פון איין זייט קלערט ער, אז דאס אן איינמאליגע געלגענהייט, מ'שטיינס געזאגט, להפיץ דעתו הקדוש בעולם, (וואטעווער איט מינס), אבער פון די אנדערע זייט, העטן זיין גערעדט רוסיש, העט ווען דער דאיען זיך געקענט אויסקומען מיט זיי זייער געך, אבער וואס טוט מען אין אזוי פאל?, בקיצור, האט דער דאיען אנגעהויבן טראכטן מיט צו נעמען נאט טו ביזי אויך, אבער גרויסע האמער זאגט בלא מיט א אלף, דאס מוז זיין ממש נאר געציילטע יחידי סגולה, און היות דער דאיען קאן איהם נאכנישט פערזענליך איז נישט דא פון וואס צו רעדן, דער דאיען האט פרובירט צו בעטן דעם האמער, אויף די אנדערע ניקס פון נאט טו (ער האט דען?) אבער ער ווויל פון גארנישט הערן, שוין דער דאיען פרובירט אפשר פארברענגן זאל זיין דער מיטבאגלייטער, אדער פעדעקס, על מיר זעהן וואס דער גרויער האמער וועט זאגן דערוועגן, אויב נישט זיין דאן פענסטער אדער יענטטאש, אדער בן הרחמן.
תוקן על ידי - סאכדעס - 21/04/2006 20:54:49

קרעמער » 21/4/2006 20:59

גרויזאמער;

ווי באקאנט לאז איך זיך נישט ארויס אויף קיין נסיעות איידער איך באטראכט דעם ארום און ארום פונעם גאנצן געגענט, איך וויל דאך נישט אויסקוקען ווי דעם פתי וואס רעדט אין "די וועלט" אריין (עיין שם) וועלכער האט אפגעשטיגן אין מזרח בערלין אנע פאפירן.

האב איך אזוי גענישטערט און געגרובעלט איבער "מאנגאליע", און באמערקט אז ממש יעצט איז דארט פארגעקומען א ערנסטע 7.7 ערדציטערניש, ממש דארט ביים גרעניץ מיט רוסלאנד, איז אפשר פארסטו טאקע צו אבזערווירן די מיליטערישע רעטונג אקציעס פון די אונטערנאציאנאלע געמיינדע דארט אויפן ארט.

אגב, די הויפשטאט איז "אולאן-באטאאר" און נישט די דערנעבנדע "מאנדאלאגאבי", וויאזוי קענסטו ערווארטן אז איך זאל מיטפארן מיט דיר ווען דו קענסט זיך ניטאמאל אויס מיט די הויפשטעט? וועסט דאך בלאנדזשן אין די הרי אררט.

גרויזאמער » 21/4/2006 21:15

סאכדעס; די ווייסט מיר צופיל, און די רעדסט צו סאך, דער דאיען האט מיר פארשפראכן אז אלעס בלייבט אין שטרענגסטן געהיימניס און דא פאררעדסטו זיך אזוי...

עס איז א געפארפולע מיסיע, און מען מוז צוגיין דערצו גאר גאר פארזיכטיג. אפילו די אלץ אינטער-גבאי דארפסט אויך אבאכט געבן אויף דיינע ווערטער, אוקיי?

קרעמער, איך זעה אז די פארשטייסט א-נייסעק! מ'טשיינס געזאגט.

די מיליטערישע רעטונג אקציע איז שוין ברוך השם אינטער אונזער פולשטענדיגע קאנטראל, און אלעס ווערט יעדע רגע פון טאג אבזערווירט.

און וועגן די הויפטשטאט האב איך בלויז געשריבן עיר הבירה נישט הויפטשטאט

חוץ דעם ווארט אונז אפ דארט א איבערראשונג, מיר וועלן האבן א היימישע באגלייטער.

אבער מען קען נישט אלעס זאגן.

סאכדעס » 21/4/2006 21:17

נאך גרויסע מוטשענישן פון דעם גרויזאמען גרויסען האמער, וואט עווער איט מינס, נאך אזויפיל טעראר האט דער דאיען ענדליך מסכים געווען צו פארן, און ער האט גלייך צוגעלייגט א תנאי אז דיפלאמאט מוז אויך מיטפארן, מ'שטיינס געזאגט, אן א דיפלאמאט קאן מען קיין מאנגאליע נישט פארן, בקיצור ער איז שוין באלד מסכים אבער ער פרעגט שאלעס כדלהלן:

איך דארף קודם וויסן מיט וועם מען האנדלט דא

איך וויל נישט גיין אין לענדער ווי מען שפרייט אויס א פאסקטע

ווער וועט מיר פארזיכערן איך קום צוריק לעבעדיגעריהייט?

וואס איז זייער טענות ? אויפן קרעטשמע?

נאך וואס אלעס וועט קלאר ווערן וועט ער זיכער מיטקומען.

קרעמער » 21/4/2006 21:19

גרויזאמער;

אויב קענסטו מיר אויף פלעין מאנגאליש מסביר זיין די דיפערענץ צווישן א הויפטשטאט און א עיר הבירה, קענען מיר גיין אין ביזנעס, מ'שטיינס געזאגט. אוקיי?

mates1 » 22/4/2006 21:14

גרויזאמער

איך ווייס נישט צי די ווייסט. אבער דער פרעמיער מיניסטער
נייאיגאאבאו ענכבאלד, איז זייער א וואילער ייד. א גרויסער
בעל חסד.

איך ווייס נישט צי דו וועסט קענען עסן ביי אים, ווייל ער עסט
נישט פון די סאטמערע שחיטה.

לאז אים גריסן.

גרויזאמער » 23/4/2006 04:30

גוטע וואך גוטע וואך! איך זיץ יעצט אויפן פליגער מיטן לעפטאפ. צוזאמען מיט א שיינע צאל ידידים פון דא אין קרעטשמע. מאטעס דו האסט מיר עס געמאלדן גענוג צייטליך, איך האב נאך אריינגעכאפט צו מיטראגן פלייש מיט זיך. זיי הייסן שוין אויסלעשן די קאמיונקאציע מיטלען, וועל איך אייך מיטטיילן אלעס האפענטליך ווען איך וועל אנקומען. איין זאך, ווען איז סוזק"ש אין מאנגאליע, איינער ווייסט?

משנה_למלך » 23/4/2006 05:40

א גוטע וואך גרויזאמער,

סוף זמן קר"ש איז 3 שעות זמניות פונעם עלות,
סאו ווער געוואור די עלות אינעם צאת אינעם מאנגאליאנער טיים זאון, און צעטייל דאס אויף צוועלף
שעות זמניות.

קרעמער » 23/4/2006 07:41




Mongolia: The ministers from the Mongolian People's Revolutionary Party (including Foreign Minister Tsendiyn Munkh-Orgil, Defense Minister Tserenkhuugiyn Sharavdorj, and Justice and Home Affairs Minister Sundui Batbold) resign. On January 13 the parliament accepts the resignations, bringing down the government of Prime Minister Tsakhiagiyn Elbegdorj. On January 25 the parliament elects Miyeegombo Enkhbold as prime minister. A new cabinet is elected on January 28, including Nyamaa Enkhbold as foreign minister, Mishigiyn Sonompil as defense minister, Nadmidyn Bayartsaikhan as finance minister, and Dorjiyn Odbayar as justice and internal affairs minister.


איך ברענג דיר אראפ דעם שטיקל פון "RULERS.ORG", עס איז קריטיש וויכטיג אז דו זאלסט וויסן דעם ריכטיגן ערשטע נאמען פונעם פרעמיער... עס איז נישט "נייעגאמבא" נאר "מיאגאמבא", דו קענסט זיך נאך פארדינען טויט שטראף חלילה אויב דו וועסט שלעכט ארויסזאגן דעם ערשטן נאמען פונעם פרעמיער מיניסטער, דארט זענען זיי זייער מקפיד אויף זעלבסט ווירדע.
תוקן על ידי - קרעמער - 23/04/2006 7:43:49

קרעמער » 23/4/2006 07:46

גרויזאמער;

אזוי ווי עס וועט דיר אודאי אויסקומען ארומצורייזן אין די פארשטופטע לענדלעך וואו די רעגירונג הויפטן טוישן זיך שנעלער ווי א פאר אונטערוועש, צייכן איך דיר אן א לינק וואו דו קענסט זען די נעמען פון אלע הויפטן פון רעגירונג מימות די זיבצנהונדערט יארן ביז היינט.

http://rulers.org/

גרויזאמער » 23/4/2006 22:04

איך טייפ דא מיט א פריוויזארישן קיבארד, מיר האבן דא סאכדעס, התאחדות, דיפלאמאט און גרויזאמער. מיר זענען אין אכא מאבאלע האטעל. מיר אינטערווינירן דא צו בויען א מקוה און א בית המדרש. שוין צופיל פאר יעצט, ווייל איך זעה צוויי פארמאסקירטע אגענטן פון די אנדערע זייט גאס. ביי.

גרויזאמער » 23/4/2006 22:05

כ'מיין צו זאגן א ווירטואלע קיבארד ווייל כהאב נישט קיין היברו. נאר מאנגאליש.

קרעמער » 23/4/2006 22:13

גרויזאמער;

ווער וועט זיין דער רב דארט אין מאנגאליע?

מען זאגט א ווערטל אז די שטאט מישיגען פארמאגט נישט קיין רב, ווייל קיינער זוכט נישט דעם טיטול "מישיגענע רב", אלזא ווער אין די וועלט זוכט זיך צו ווערן באטיטעלט אלס דער "מאנגאליען'ע רב"???????

גרויזאמער » 24/4/2006 00:24

לעצטע אפדעיט: פאר פופצן מינוט צוריק האבן מיר געפינען די הרחמן פאמיליע שפאצירן געמיטלעך אויף אללא אכבאר שטראססע. פרטים יבואו. אוקיי?

גרויזאמער » 24/4/2006 00:57

אינעם גאנצן לאנד זענען מיליאנען מענטשן געזיצען צוגעשמידט צום טעלעוויזע די לעצטע האלבע שעה און מיטגעהאלטן דאס אומגלויבליכע. דער קריגס מיניסטער האט אין זיין האלבע שטונדע אינטערוויו אויפגעוויזן מיט ראיות ברורות אז די מאנגאליענס זענען די וואס האלטן אן די וועלט!
[בילד – נישט אפגעהיט]

סאכדעס » 24/4/2006 01:13

ערשט איצט זיך געטראפן מיט דיפלא זאל זיין געזונט און פריש, ער קומט איצט פון דעם קענגיליכן פאלאץ, ער האלט אינדערמיט אנקניפן דיפלאמאטישע באציאנגען מיט די מאנגאלישע מלוכה, צום פארדאנקן דעם גרויסען האמאר וואס האט מיט זיין גרויזאמע געזיכט אפגעשראגן די שער המלך און די עבדי המלך ביי זיין טיווי שאו, און צוליב דעם האט דער דיפלא געהאט זיין געוואלדיגן כוח, און מיהאף מיר זיך באלד צו נעמען צו די ארבייט איבער די מקוה און דאס בית המדרש, דיפלאו עט שוין באלד געבען א פערזענליכע באריכט, דאס איז נאר אויף דערווייל, מ'שטיינס געזאגט, ער איז ביטערליך פ]ארנומען, די קשרים גייען נישט אזוי פון איין מינוט אויף די צווייטע,.

קרעמער » 24/4/2006 01:21

גרויזאמער;



קודם כל, איך בין אוועקגעבלאזן פון דיין בילד (וועלכער ביסטו? דער אויף רעכטס [וואס זעהט אויס ווי דער מיט די לאנגע אויערן פון די סטאר-ווארס עפיזאדן] אדער דער אויף לינקס וועלכער דערמאנט זייער שטארק אלבערט איינשטיין'ען)..............

נאכדעם בין איך היינט געוואויר געווארן אז דו הייסט "יואל"! א זאך וואס איך האב נישט געוואוסט אויף זיכער (איך האב זיך נאר פארגעשטעלט אזוי, ווייל די DEFAULT נאמען אויף היידפארק איז יואל וד"ל.

משנה_למלך » 24/4/2006 03:05

אויב שוין יא עפעס א אידיש פלאץ אין  מאנגאליע,
אפשר גייען מיר אויף א שבת אהין ? מאכן א 'שבתון'

דיפלא » 24/4/2006 20:18

ווי א גולם האב איך זיך געלאזן צורעדן פון מיין הויכגעשפיצטער אויבערהאר 'דיפלאמאט' ירום הודו והדרו, איך זאל אונטערנעמען די נסיעה צו דעם גרויזאמען לאנד, משטיינסט געזאגט וויל ער נאר אז איך זאל זיך אביסל צולערנען הלכות דיפלאמאטיע און מיר איינגערעדט אז עס איז גאר קליינע פראבלעמען און מען וועט עס שנעל קענען לייזן און איך מיט מיין שארפן צינגל מיט אזא געשמאקע שטאלפערישע שפראכע וועט אן קיין גרויזע צעגערונגען אויסשארפן העסליכע באציאונגען מיטן קרעטשמע.

ארויסגעוויזן האט זיך גאר א צווייטע בילד, דער מצב איז אנגעשטויסן מיט פולווער אויפרייסנדע לופט, און קוים וואס מען וויל מיר אויסהערן. ווי שוין איבערגעגעבן נעכטן אין א געמיינזאמע באריכט צו די כאוויירים. אפגערעדט אז אפי' א געהעריגן קיבארד האבן זיי מיר נישט געוואלט צושטעלן, וכהנה רבות.

איך ארבעט ללא ליאות אן קיין טראפן שלאף, ווייל ווי קען מען דען אפי' טראכטן פון שלאפן ווען מען וועט דיר אריבערפירן דאס בעטל. שטיינס געהערט, א בעטל? איז דען דא אזא זאך דא?

זיך האלטן רואיג, דער אויספירליכער קאנדענסירטער באריכט וועט נאכפאלגן.

גרויזאמער » 24/4/2006 20:19

ÿìàð íýã çºâøèëöºë, ç¿éëä çààñíû מ'שטיינס געזאגט äàãóóхэрэглээний зүйлс, зайлшгүй биш ч шаардлагатай зүйлс ÿìàð íýã çºâøèëöºë, ç¿éëä çààñíû äàãóóхэрэглээний зүйлс, зайлшгүй биш ч шаардлагатай зүйлс!!!!
[בילד – נישט אפגעהיט]

גרויזאמער » 24/4/2006 20:52

אוקיי, מיר האבן נארוואס אפגעשטאט א באזוך אין די אידישע קהילה אין עיר הבירה (וועא"מ) אולען בעטאר. עס איז אומגלויבליך אבער א פאקט, וואס איך און התאחדות, סאכדעס און דיפלאמאט האבן מיר זיך נישט געקענט גענוג אפוואונדערן, עס עקזיסטירט דארט א אידישע קהילה מיט ארום 60 מיטגלידער. און אלע זענען זיי געבוירענע מאנגאליענס! צוגעפירט צו די קהילה האבן אונז טאקע די געטרייע מיטגלידער פון די קהילה, די הרחמן פאמילע, מיר האבן זיך געטראפן מיט הרחמן, אבי, בני, נוני, און זיי האבן אונז צוגעפירט מיט א 4X4. פרעגנדיג פון וואו זיי האבן געהאט מצות אויף פסח, נעמט מיר דער הויפט ראבינער צו זיין כלי, און צייגט מיר אויפן נעץ זייטל וואס מען זעט ווי הרב אהרן וועגנאר שליט"א באזארגט זיי מיט מצות היי יאר צום יום טוב פסח. http://www.fjc.ru/news/newsArticle.asp?AID=373180 אויף די פראגע וועגן א מקוה זאגן זיי אז זיי ווארטן אויף היימישע קרעטשמע.

קרעמער » 27/4/2006 22:22

האט איינער געזען גרויזאמער?

איז אמת די שמועות אז נצחו אראלים את המצוקים און מען האט אים אריינגעשליידערט אין די מאנגאלישע טורמעס וועלכע זענען באקאנט מיט זייער גרויזאמקייט און ברוטאליטעט?

nailbiter » 27/4/2006 23:45

סקען טאקע זיין אז מהאט דעם גרויזאמען ארעסטירט.
ער איז דאך קיין דיפלאמאט.
האט ער דאך נישט קיין דיפלאמאטישע אימיוניטעט.


anyway who cares for him