איין פורום ווייניגער אויף די מאפע

ליידער ליידער, צוליב א מאנגל אין ליינער, שרייבער, אינטערסאנטע נושאים, און איבער אלעם "צייט", בין איך געצווינגן געווען צו פארשליסן מיין פורום "ידיעות" וואס האט אין זיין צייט פארברייטערט די ידיעות פונעם שמאלקעפיגן עולם וואס דרייט זיך דא אויפן אינטערנעט בעוונותינו הרבים.

חבל על דאבדין ולא משתכחין...

יעצט זוך איך א בא'טעמ'ט פלאץ וואו זיך אריינצוזעצן, איך ווארט צו הערן פארשלאגן פונעם חשוב'ן ציבור.

פארוואס איז עס אויסגעמעקט, און ווער האט אמאל געוואוסט פון דעם פורום צו זאגן?

דיפלאמאט, דער ציהל פונעם פורום איז געווען כשמו כן הוא, מרבה צו זיין ידיעות צווישן דעם היימישן עולם, עס האט זיך פארשפארט טאקע צוליב די סיבה וואס דו ברענגסט אזוי גוט ארויס, קיינער האט נישט געוואוסט פון דעם פורום צו זאגען, און כדי א פורום זאל אנהאלטן זיין חיונה פעלט זיך אויס פובליסיטי, שרייבער און ליינער, ופשוט ודוק.

גראדע האב איך נעכטן געפונען א נייע ארט וואו זיך צו באזעצן, ווען בהשגחה פרטית האט זיך געגרינדעט די נייע "האלט, דא טראכט מען" פורום, וואס אויב עס זאל זיך אויסארבעטן (די שאלה איז נישט "אויב" עס וועט זיך אויסארבעטן, די שאלה איז אבער אויב עס וועט זיך אויסארבעטן צו מיין געשמאק, עס זאל זיין מיין גלעזעלע טיי - אזוי צו זאגן) וועל איך זיך אי"ה קובע זיין דארטן.

איך האף אייך צו טרעפן דארטן!